Германските магазини ADAC, Auto Bild, Auto Bild Allrad, Auto Bild Sportscars, Auto Motor und Sport и Sport Auto на тестирањата оценија дека Dunlop Winter Sport 5 е меѓу најдобрите зимски гуми што се достапни на пазарот. Резултатот е едно прво место и четири пласмани на победничкиот престол.
Со едно прво место и четири пласмани меѓу најдобрите три гуми на тестовите на германските магазини за автомобилизам, Dunlop докажа уште еднаш доби одлични оцени за своите зимски пневматици. Тестирањата предвидуваат најразлични услови и ситуации во возење, вклучувајќи возење на сув и влажен пат, управливост на влажен пат или сопирање на снег и на замрзнат пат.
Dunlop Winter Sport 5 го обезбедува неопходниот контакт со подлогата и во најнепредвидливи зимски услови на возење, благодарение на натпросечното странично држење на лизгава подлога и добрите перформанси на снежна подлога.
Изедначени својства во сите дисциплини на тестирањето од клубот ADAC
Клубот ADAC ја прогласи Dunlop Winter Sport 5 за победник на тестот на зимски гуми, наведувајќи дека станува збор за гума со мошне избалансирани својства, со одлични перформанси на влажен пат и на снег. Благодарение на примерната изедначеност на резултатите во сите дисциплини на тестот, Winter Sport 5 е единствената гума на тестот што од клубот ја доби оцената „многу добро“.
https://twitter.com/ADAC/status/789824771072688128
На тестовите на Auto Bild, Sport Auto и Auto Bild Sportscars, овој модел на зимски пневматици на Dunlop се најде меѓу трите најдобро пласирани гуми. Верзијата на Winter Sport 5 наменета за теренци заврши на третото место на тестот на Auto Bild Allrad (специјално издание за возила со погон на сите тркала), односно на второто место кај Auto Motor und Sport, со пофалби за кусиот пат на сопирање и одличните својства на снег.
