Овие автомобили се шампиони во сопирање

Над 500 автомобили се најдоа на тест на сопирачки во клубот АДАК во последните четири години. Најголемото изненадување е тоа што дури и во класата на малечките автомобили и компактите постојат неколку модели што постигнуваат одлични резултати.

Клубот АДАК во минатите четири години ја одредуваше должината на патот на сопирање на над 500 модели што пристигнати на тестирање. Апсолутен шампион во сите класи и сегменти на возила е Porsche 911 Cabriolet, кој од брзина од 100 километри на час запира по само 31,3 метри. На спротивниот крај од списокот е Citroen Jumper Combi од 2014 година, на когошто за запирање од истата брзина му се потребни дури 47,8 метри, односно 16,5 метри повеќе отколку на спортскиот автомобил. Додека Porsche 911 Cabriolet веќе мирува во место, француското комби би удрило во него со брзина од 55 километри на час!

Mini запира само за нијанса послабо од Porsche 911

Тоа што радува најмногу е фактот што некои модели во класата на градските автомобили постигнуваат примерно кус пат на сопирање. Најдобар во оваа класа е Mini One D, на когошто за запирање од 100 километри на час му се потребни 32,7 метри. Во компакт класата се најдобри Seat Leon ST 1.6 TDI и Volkswagen Golf Variant 2.0 TDI, обата со по 33,1 метри.

Клубот предупредува дека одличниот пат на сопирање што го постигнуваат спортските автомобили, меѓу другото и поради ниското тежиште и релативно долгото меѓусокино растојание, не треба да ги наведува возачите на овие автомобили на агресивно возење.

Запирање од двапати повисока брзина значи четирипати подолг пат на сопирање

За секое возило важи истото правило: Патот на сопирање се зголемува „на квадрат“ од брзината. Тоа значи дека двапати повисока брзина води до четирипати подолг пат на сопирање. Покрај тоа, тежок теренец со високо тежиште има и подолг пат на сопирање. Подеднакво е важна и стабилноста при сопирање. Возилото мора да ја задржи стабилноста и при силно запирање, а задната оска не смее да запира пресилно, затоа што во спротивно ќе се случи губење на правецот и излизгување на возилото.

Најдобрите 10 „сопирачи“ по класи

Малечки автомобили

Компакт класа

Средна и висока класа

Спортски возила

Теренски возила