Велика Британија очекува бројот на електрични и плагин-хибридни автомобили во земјата да надмине 100.000 примероци до средината од годинава. Владата субвенционира до 35 проценти од крајната цена на овие возила, односно учествува со најмногу 4.500 фунти.
Во минатата година Велика Британија регистрираше за близу една третина повеќе возила со електрифицирана погонска спрега, односно електрични и плагин-хибридни возила, отколку преклани. Рекордни 39.607 возила се продадоа во островската земја лани.
Заслуга за динамичниот пробив на електромобилноста има и зголемената понуда од модели, вкупно 35, што е четирипати повеќе отколку во почетокот од деценијава. Годинава се очекува понудата да се збогати со нови модели. Секако дека најголемо влијание имаат дарежливите државни субвенции за набавка на возила со чистиот погон, привилегиите во возачкото секојдневие и растечката инфраструктура од полначи.
https://automedia.mk/objavi/26284
Од година во година, бројот на електрични автомобили се зголемуваше постојано и Британија очекува дека веќе кон средината од 2017 година нивниот број ќе надмине 100.000 возила. Особено голем интерес постои за плагин-хибридните возила, чијашто продажба лани се зголемила за 42%. Најпопуларни во овој сегмент се Mitsubishi Outlander PHEV, Volkswagen Golf GTE и Audi A3 Sportback e-tron.
https://www.youtube.com/watch?v=7o-OxidjaVw
Електричниот возен парк во земјата моментно брои 87.158 возила. Британската влада уште од 2011 година го субвенционира купувањето електрични и плагин-хибридни возила.
Висината на субвенцијата се одредува според 4 категории на возила:
| Категорија | Емисија на CO2 | Досег при возење на струја | Субвенција | Највисока субвенционирана сума |
| 1 | Под 50 g/km | Најмалку 70 милји (112 km) | 35% од цената | £4,500 |
| 2 | Под 50 g/km | 10 до 69 милји | 35% од цената | £2,500 |
| 3 | 50 до 75 g/km | Најмалку 20 милји | 35% од цената | £2,500 |
| Доставни возила | Под 75 g/km | Најмалку 10 милји | 20% од цената | £8,000 |
Субвенцијата не важи за возила со набавна цена повисока од 60.000 фунти (BMW i8, Mercedes-Benz S500 Hybrid, Porsche Panamera S E-Hybrid
Возила од 1-ва категорија
BMW i3, BYD e6, Citroen C-Zero, Ford Focus Electric, Hyundai IONIQ Electric, Kia Soul EV, Mahindra e20, Mercedes-Benz B-Class Electric Drive, Nissan e-NV200, Nissan LEAF, Peugeot iON, Renault Fluence, Renault ZOE, Smart fortwo electric drive, Tesla Model S, Tesla Model X, Toyota Mirai, Volkswagen e-up!, Volkswagen e-Golf
Возила од 2-ра категорија
Audi A3 e-tron (2016), BMW 225xe, BMW 330e, Kia Optima Saloon PHEV, Mercedes-Benz C350 e, Mercedes-Benz E350 e SE, Mitsubishi Outlander PHEV, Toyota Prius Plug-in, Vauxhall (Opel) Ampera, Volkswagen Golf GTE, Volkswagen Passat GTE, Volvo V60 D5 Twin Engine, Volvo V60 D6 Twin Engine, Volvo XC90 T8 Twin Engine
Доставни возила
BD Otomotiv eTraffic, BD Otomotiv eDucato, Citroen Berlingo, Mercedes-Benz Vito E-Cell, Mitsubishi Outlander GX3h 4Work, Nissan e-NV200, Peugeot ePartner, Renault Kangoo ZE, Smith Electric, Smith Edison
