Арапски шеик понуди еден милион американски долари за „фолксвагенот буба“ на претседателот на Уругвај, Хозе Мухика.
Дневниот печат во Уругвај синоќа објави дека арапски шеик понудил еден милион долари за 27-годишната „буба“ на претседателот. Мухика и претходно има добивано понуди за неговиот автомобил, но ова е неспоредливо најголемата понуда досега. Печатот пишува дека претседателот овојпат веројатно ќе ја прифати понудата и ќе го донира милионот долари во изградба на социјални станови. Скромниот 79-годишен претседател живее без каков било луксуз и се смета како „најсиромашен претседател во светот“.
