Новата класа С предизвикува голем интерес и кај колекционерите. Специјалистот Norev изработи три серии во размер од 1:18 до 1:87 и истите се достапни кај дилерите на Mercedes.
Специјалистот за колекционерски модели Norev ги изработи верни минијатури од лимузината од новата средна класа на Mercedes, користејќи ги оригиналните CAD-податоци директно од производителот и применувајќи рачна изработка од врвни мајстори на занаетот. Моделот во најголемиот размер 1:18 се состои од преку 130 единечни компоненти. Сите врати и капаци се отвораат, а внатрешноста е изработена со многу детали. Моделот има дури и дополнителна опрема: Диодни светла и сончев покрив. Подот на кабината и на багажникот се обложени со филц.
Деталниот пристап во изработката доживува кулминација во оригиналните бои на каросеријата. Моделот долг 25,5 сантиметри и со препорачана продажна цена од производителот од 74,90 евра е достапен во иридиум сребрена и тенорит сива боја (со ниво Avantgarde, со централна ѕвезда и бандажи со 5 краци), како и во обзидиан црна и дијамант бела металик боја (ниво Exclusive, со класична ѕвезда и бандажи со 5 двојни краци).
Помалиот модел во размер 1:43 е долг единаесет сантиметри и исто така е склопен рачно од 55 единечни делови. Овој модел чини 29,90 евра, со кутија и испечатено лого во подлогата. Најмалата големина 1:87 е произведена од Herpa и чини 15,90 евра. Таа е составена од 25 компоненти. Од оригиналните бои се избрани поларно бела и иридиум сребрена.
