Во фабриката за мотори на Ford во Келн денес е произведен 27-милионитиот мотор откако погоните стартуваа со производство во 1962 година. Јубилејниот мотор е 1,0-литарски EcoBoost, а во неговата изработка учествуваше Штефан Мике, актуелна тркачка ѕвезда со Ford GT во светскиот шампионат во издржливост и возач на тимот Ford Chip Ganassi Racing.
Производството во 1962 година стартуваше со моторите V4 за тогашните модели Taunus и Capri. Од ноември 2011 година, во Келн се произведува петкратниот носител на титулата на светски мотор на годината, 1,0-литарскиот EcoBoost. Моторот со турбонатполнење и директно впрскување моментно се нуди во три варијанти на моќност, со 100, 125 и 140 КС, а се вградува во целата моделска гама на Ford, почнувајќи од Fiesta, сé до Mondeo.
