Mercedes веќе го направи тоа, сега и Ford. Производителот ги проверува своите вработени и бара потпишување посебен договор. Во BMW уште не гледаат потреба од таков чекор.
По Mercedes, сега и Ford проверува дали меѓу своите вработени има такви што се осомничени за тероризам и го споредува списокот на вработени со соодветните листи на ЕУ и САД. За таа цел, Ford побара потпишување посебен договор за работа и воспостави „скрининг процес“. Сите вработени се проверуваат еднаш годишно, а во меѓувреме се проверуваат и новите вработени. Во случај да се откријат такви лица следи пријава до државните служби.
Во BMW, пак, уште не гледаат неопходност за споредување на податоците на вработените со списоците на лица што се осомничени за тероризам. Концернот сепак ги следи безбедносните препораки. Неговите вработени ја добиваат исплатата исклучиво преку банкарска дознака, на нивна сметка и на нивно име. Бидејќи банките се обврзани да ги проверат корисниците на сметки, BMW смета дека дополнителна контрола не е потребна.
ЕУ и САД имаат закони за спроведување на ембарго и за заштита од тероризам, како и соодветни листи на санкции што мора строго да се почитуваат. Лицата што се наоѓаат на овие листи не смеат да добиваат пари, продукти или услужни дејности од претпријатијата во коишто работат. Доколку законите не се почитуваат, концерните ќе се соочат со казнено правни конксенвенци.
