Паметниот телефон на Android со дисплеј напред и назад веќе неделава стартува со продажба во 20 европски држави. Производителот Yota ја објави само цената за Русија.
Рускиот производител Yota ќе започне со испорака на YotaPhone 2 со дисплеи Amoled и E-Ink во текот на неделава, а до крајот на месецов ќе следат уште 20 европски држави. Паметниот телефон на Android ќе чини 33.000 рубљи во Русија, односно околу 490 евра. Цените за другите земји уште не се објавени. Yota го прикажа паметниот телефон Yota 2 на саемот за мобилна телефонија MWC во февруари и го најави октомври за старт на продажбата.
