Продажбата на Volvo напредува подобро од пазарниот просек

Volvo во првите девет месеци од годинава продаде повеќе од половина милион автомобили и постигна раст од 7,4 проценти. Тоа е подобро од просекот на пазарот, шведската марка е меѓу добитниците во актуелните пазарни услови.

Volvo ја задржа продажбата на рамномерно ниво во првите девет месеци од годината, со раст од 7,4 проценти и вкупно продадени 507.704 автомобили на светскиот пазар. Сите клучни пазари – Европа, Кина и САД – бележат постојан раст во периодот од јануари до септември, дополнително придружено со фактот што Швеѓаните постојано продаваат подобро од пазарниот просек. Само во септември се продадени 64.636 автомобили, што е 6,5% подобро од истиот месец лани.

Главен носител на продажбата е СУВ-триото, составено од XC40, XC60 и XC90, а солидни бројки постигнуваат и неодамна лансираните модели, комбито V60, неговата теренска изведба V60 Cross Country и лимузината од средната класа S60, којашто пристига од американската фабрика.

Половина од продажбата на Volvo е постигната на европскиот пазар, со раст од шест проценти

На европскиот пазар отпаѓа половина од продажбата, со 247.610 автомобили во периодот од јануари до септември. Тоа претставува зголемување од 6 проценти во споредба со првите девет месеци лани. Најголем раст има на пазарите во Велика Британија (+19,3%) и Германија (+24,8%).

најпродавани модели во САД сосем очекувано се XC90 и XC60. Во Кина, за девет месеци се постигнати 109.512 продажби (+13.8%). Продажбата таму главно се базира врз XC60 и S90, кои се произведуваат локално.

Продажба на Volvo Cars до септември по региони

Најпродаван модел останува XC60, со 145.629 примероци, пред XC40 со 95.475 возила и XC90 со вкупно 71.830 продадени примероци во периодот од јануари до септември.

https://www.instagram.com/p/B2y8Kx5F1N-/