за

Volvo продаде преку 50.000 возила во октомври

Volvo Cars постигна октомвриска продажба од 54.317 возила, што е за 6,9 проценти повеќе во споредба со истиот месец лани.

Високата побарувачка за моделите на Volvo од потсемејството Recharge, во коешто влегуваат возила со чисто електричен и приклучен хибриден погон, резултираше со солиден раст во испораките на нови возила на шведската марка во минатиот месец.

Моделските изведби од семејството Recharge учествувале со 36,8 проценти во продажбата на Volvo во октомври. На чисто електрични модели отпаѓаат 15 проценти од сите продадени возила со знакот на Volvo, што значи дека во едно од секои седум нови автомобили од марката, не работи друго освен електромотор.

Во десетте месеци, Volvo Cars постигна продажба од 483.304 возила, што е за 16,9 проценти под ланската продажба во истиот период. Причината за тоа секако дека не е намалената побарувачка, туку е кусокот од микрочипови за целата автомобилска бранша.

Во Европа во октомври биле испорачани 22.030 возила, за 0,4 процент под истиот месец лани. Континентот убедливо се движи во насока на електромобилноста, барем според тоа што се однесува на Volvo. Од сите продадени возила, со прилучен хибриден погон или чисто електричен погон биле 64,9% од возилата.

САД имаат 9.478 нови автомобили Volvo, што претставува раст од 8,9 проценти во споредба со лани. Моделите Recharge таму учествуваат со 26,7 проценти во продажбата.

Кина има огромен раст, со дури 36,7 проценти зголемена продажба во октомври и вкупно 15.048 испорачани возила. Изненадува тоа што кинеските возачи повеќе се решаваат за моделите со класичен погон, затоа што Recharge-моделите таму учествуват со само 6,1 процент во продажбата.

 

View this post on Instagram

 

A post shared by Volvo Cars (@volvocars)

Најпродавана моделска серија на Volvo Cars во октомври е XC60 со вкупно 17.531 возила (2021: 15.399 возила), следи XC40 со 14.883 возила (2021: 13.987), а трет најпродаван модел е луксузниот XC90, од којшто се испорачани 7.651 примероци до октромври (2021: 8.639 примероци).

  ОКТОМВРИ   ЈАН-ОКТ ’22  
МОДЕЛ 2022 % ТРЕНД 2022 % ТРЕНД
C40 3,106 100 % 14,371 100 %
S60 II 1 0 %
S60 III 3,451 -19 % 32,470 -20 %
S90 3,729 27 % 33,016 -16 %
V40 3 -86 %
V40 CC
V60
V60 CC II 581 -34 % 6,444 -47 %
V60 II 2,314 -28 % 18,260 -47 %
V90 544 -17 % 6,423 -23 %
V90 CC 528 -36 % 5,705 -36 %
XC40 14,883 6 % 128,434 -25 %
XC60 -1 -1 -200 %
XC60 II 17,531 14 % 158,792 -11 %
XC90 II 7,651 -11 % 79,386 -11 %
Вкупно 54,317 7 % 483,304 -17 %

 

Тест: Volvo XC60 D4 AWD Geartronic

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Lear Corporation ја зголемила добивката четирипати

Пристигна првиот електричен Mustang Mach-E во Македонија