Дарко Јаконов
Во средиштето на штандот на Volvo во Франкфурт е концептното купе кое што го воведува новиот дизајнерски израз на шведскиот производител од премиум сегментот и потекнува од цртачкото перо на главниот дизајнер Томас Ингенлат.
Возилото ги привлекува погледите со впечатливите и препознатливи дизајнерски елементи на скандинавската школа. Покрај тоа, концептниот автомобил ја прикажува приспособливоста на новата архитектура на производи, односно можноста од една платформа да се изведат повеќе автомобили и повеќе компоненти да се применат на повеќе модели, со цел да се понуди понапредна технологија чие што производство се исплатува побрзо.
Емотивниот дизајн ќе биде знак на препознавање на идните модели на шведската марка. Прв со новиот дизајн стартува спортскиот теренец Volvo XC90 кој што ќе биде претставен догодина.
