за

Volvo менува петка за четворка

Петцилиндарските мотори се во бавно изумирање. Volvo ја прекинува традицијата и се префрлува на четири цилиндри, плус нова техника

Швеѓаните се збогуваат со петцилиндарските дизели. Замената од наесен ќе бидат четирицилиндарци од нова генерација, со ново управување на впрскувањето и повисок притисок. Тоа ќе даде пониска потрошувачка и почиста емисија.

Споредба на култивираноста на стариот и новиот дизел на Volvo
Споредба на култивираноста на стариот и новиот дизел на Volvo

Новите дизели покриваат дијапазон од 150 до 215 КС и соодветно на тоа ќе се вградуваат и во поголемите модели. Дволитарците имаат две особености. Првата: Место централен сензор за притисок на заедничкиот вод за впрскување сега ќе има по еден сензор на секој цилиндар. Тој го контролира и го регулира дотокот на гориво одделно за секоја комора за согорување и на тој начин постигнува поштедлива работа.

Покрај тоа, системот за впрскување работи со притисок од 2500 бари место со вообичаените 2000 бари. Тоа овозможува уште пофино распрскување на горивото, а тоа пак резултира со порамномерно согорувае и почист издув.

На дизелите ќе им се придружи и нова генерација на бензински мотори, со заеднички компоненти со првиве. Дволитарските бензинци исто таќа ќе очекуваме наесен, со моќност меѓу 150 и 300 КС.

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Рингишпил за чувство како во идниот BMW i

Галатасарај стана тим на Opel