Целиот европски пазар во минус, електричните со рекорден удел од 11%

Веќе одамна не е вест дека продажбата на автомобили забележа драстичен пад во услови на пандемијата. Во април, бројот на новорегистрирани автомобили на европскиот пазар се скуси за 79 проценти. Кризата ги погоди најмногу продажбите на Nissan (-88%), Fiat Chrysler и неговиот CO2-пријател Tesla (-87%), како и марките на концернот на Peugeot (-83%). Во исто време, продажбата на електричните возила претрпе помал пад – тие достигнаа рекорден удел од 11% во вкупната продажба на автомобили во април.

Во првите четири месеци од годината, уделот на електричните возила во вкупната продажба на автомобили достигнал 8%, што е двојно повеќе во споредба со лани. Volvo има највисок удел на електрични возила во продажбата до април, вклучувајќи ги плагин-хибридните модели, со 22 проценти. Веднаш по нив следи BMW со удел од 13%, по баварците се Fiat Chrysler и партнерот Tesla (калифорниската компанија за услугата добива милионска „награда“ од Fiat, затоа што нивните возила имаат нулта емисија на СО2, со што се подобрува билансот на Италијанците) со 12%, исто колку што има и Kia.

Удел на електрични возила во вкупната продажба

(вклучувајќи ги плагин-хибридите, за Европа, до април 2020)

Audi e-tron е новиот електро-крал на Норвешка