за

Кога Јапонците треба да возат по Месечината, избираат Toyota

toyota jaxa vozilo vodorod
toyota jaxa vozilo vodorod

Јапонските астронаути ќе користат возило развиено од Toyota за своите вселенски мисии. Голем напредок е тоа што астронаутите ќе бидат во возилото, место да го управуваат далечински. За погон, нормално е дека ќе се користи водород.

Корпорацијата Toyota и јапонската агенција за вселенски истражувања Jaxa започнаа заедничко истражување и развој на возило со човечки екипаж и погон на водород. Во следните три години, ова престижно партнерство за секој производител на автомобили ќе изработува, тестира и оценува прототипи на идното вселенско возило. Досегашните мисии обично користеа далечински управувано возило. Уште неименуваниот „мунмобил“ на Toyota и Jaxa ќе поседува кабина под притисок и тоа ќе овозможи покомотна и подолгорајна работа на астронаутите при истражувањето директно на површината на Месечината.

Соработката всушност трае уште од мај 2018 година и досега се изработени повеќе „ровери“. Првите се управувани со автопилот и имаат површина од 13 метри квадратни, со место за четворица астронаути, кои во возилото немаат потреба да го носат тешкиот костум. Резервоарите со водород овозможуваат да се извозат повеќе од 10.000 километри.

Покрај сите можни ограноци во Toyota, отсега постои и „Lunar Exploration Mobility Works“

Соработката продолжува да напредува и во меѓувреме Toyota го основаше огранокот Lunar Exploration Mobility Works, со триесетина врвни експерти што ќе работат на возилата со врвна и единствена технологија што се користи само во астронаутиката.

За следната година е планирано да се изработи првиот прототип, а една година подоцна треба да започнат и обемните тестирања. Возилата со човечки екипаж треба да почнат да возат по Месечината веќе во 2029 година.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Porsche Drive

Сопственик на автомобил Porsche на 28 денови

toyota prius phv plugin hybrid amblem

Германија пред Норвешка како најголем европски пазар за електромобили