за

Хибрид за добро утро, приклучен хибрид за добар ден, електрична Toyota за добра вечер

Пријатно изненадување беше настанот со којшто македонската сцена го одбележа пристигањето на bZ4X, првиот целосно електричен модел на Toyota, практично електро-пандан на RAV4.

Во природната средина на скопскиот зелен рај, во Лиф Кафе, во понеделникот се одржа настан од историско значење за автомобилизмот, којшто ќе се спомнува честопати во иднината. Тојота Авто Центар почнува со продажба на bZ4X, прв целосно електричен модел на јапонската марка. Неважно е дали од електричниот модел на Toyota ќе се продадат пет, десет или педесет примероци годинава. Овој настан безгрешно укажа дека ѕвездите на денешната сцена се токму како bZ4X, електрични, технолошки супериорни.

Растојанието на презентацијата можеше да се изоди во педесетина чекори. Но, тоа што Toyota го помина во сиве години досега, од почнувањето со развој и одреденоста марката прва да му понуди на светот автомобил со хибриден погон од големосериско производство, до овој модел во којшто од хибридот е „останат“ само електромоторот, секако дека е еден од најголемите потфати во историјата на автомобилизмот, а со тоа и на целото човештво. Тоа што потфатот не се претвори во авантура, туку во успешна приказна во континуитет, тоа е јапонското во оваа марка. Toyota едноставно имаше кредибилитет за целиот овој потфат.

Организацијата на настанот смисли на еден од влезовите во Лиф Кафе да пречекува хибриден C-HR. Не случајно, кросоверот што и самиот стартуваше бројни промени во Toyota, се најде во порта што личи на традиционална јапонска тори, препознатлива форма на порта што зафаќа во бројни симболики што се пренесуваат во традицијата на земјата. На влезот хибрид. Затоа во насловот велиме, хибрид за добро утро. Tака и почна, со првиот Prius во 1997 година. Денес хибридниот погон во Toyota е развиен до петта генерација. Актуелната Corolla в година ќе пристигне во продажба со таков погон.

Дваесетина чекори подолу по патеката, пречекуваше жар црвен RAV4 со приклучен хибриден погон. Разликата во споредба со херојскиот самополнечки хибрид е во тоа што кај овој RAV4 со по еден чеп за „бензин“ од секоја страна на возилото, батеријата е уште поголема и може да се полни на обичен приклучок за струја, и секако, на полнач. Овој вид на погон, со право беше толкуван како преодно скалило од хибридните кон целосно електричните возила. Реално, и самополнечниот хибрид, како уште во првиот Prius пред 25 години, се најде многу повеќе во улога на преодно скалило. Со полна батерија, RAV4 Plug-In Hybrid минува до 98 километри чисто на струја, во градски услови, каде што има често сопирање и забавување, па и батеријата се дополнува почесто.

Приклучниот хибриден погон е важен поради тоа што помогна луѓето да го изгубат „стравот“ од електричниот погон, дека на пат би останале со празна батерија. Кај овој погон, кога ќе се испразни батеријата, возењето понатаму продолжува со комбинирана работа на бензинецот и електромоторот – и батеријата, секако. Затоа, приклучниот хибриден погон е како добар ден, кога ќе мине неизвесноста од утрото и работите што требало да се завршат денот, ќе се завршат успешно, па и порано.

За добра вечер, електричен bZ4X, електричен што не може да биде повеќе електричен од ова. Добра вечер, затоа што е веќе сосем извесно дека понатаму преземаат електричните возила. Многу нешта се менуваат, многу нешта ќе се расчистат и околу политичките спреги со располагањето, црпењето и трговијата со нафта. Едноставно, нафтата станува неинтересна. Исто и политичкото влијание однадвор, на ниво на регион, на свет, се релативизира, затоа што на сите ни е јасно дека електрична енергија може да се произведува чисто за животната средина, буквално во сопствениот двор. Поточно, на покрив. Неколку фотоволтаички панели на покривот на домот или на фабриката, ќе обезбедат енергија за bZ4X да се движи.

Во секој случај, мошне вешто инсценирана приказна околу развојот на елеткрификацијата, раскажана преку марката што има постигнато најмногу за истата

СУВ-моделот bZ4X доаѓа од новата генерација модели со 100% електричен погон, со кратенка bZ којашто произлегува од Beyond Zero. Преку „повеќе нула од нула“ , јапонската марка укажува дека таа елкетормобилноста не ја сведува само на развој и производство на електрични автомобили, туку и на чиста енергија за производство на истите, вклучувајќи го и производството на компоненти кај добавувачите, како и рециклирањето по завршетокот на експлоатацијата.

Дизајнот е порадикален во споредба со RAV4, на пример, затоа што и пазарот бара така. На сопствениците на електрични возила им се допаѓа кога нивниот автомобил се препознава во средината дека е токму „електричниот“. Во развојот се применети истите начела како кај остатокот од гамата на Toyota. Исто како што од Yaris до Camry и Higlander, сите модели се базираат врз платформа TNGA, така bZ4X се базира врз платформа e-TNGA. Таа ги вклучува сите доблести по коишто светот ја цени марката, плус динамика во возењето, повеќе уживање за возачот и врвна технологија.

TOYOTA bZ4X – ТЕХНИЧКИ ПОДАТОЦИ

ПОГОН

FWD

AWD

ВИД

AC-СИНХРОНЕН ЕЛЕКТРОМОТОР / ГЕНЕРАТОР

СИСТЕМСКА МОЌНОСТ (KW / КС)

150 / 204

160 / 218

МОЌНОСТ НА ПРЕДЕН ЕЛЕКТРОМОТОР
(KW / КС)

150 / 204

80 / 109

МОЌНОСТ НА ЗАДЕН ЕЛЕКТРОМОТОР
(KW / КС)

N/A

80 / 109

МАКСИМАЛЕН ВРТЕЖЕН МОМЕНТ (NM)

265

336

БАТЕРИСКИ СИСТЕМ
БАТЕРИЈА

ЛИТИУМ ЈОН

БРОЈ НА ЌЕЛИИ

96

НОМИНАЛЕН НАПОН (V)

355

КАПАЦИТЕТ (kWh)

71,4

ПЕРФОРМАНСИ

FWD

AWD

НАЈВИСОКА БРЗИНА (KM/H)

160

160

ЗАБРЗУВАЊЕ
0 – 100 KM/H (s)

7,5

6,9

СОПИРАЧКИ (НАПРЕД & НАЗАД)

ПРОВЕТРУВАНИ СОПИРАЧКИ ДИСКОВИ

ПОТРОШУВАЧКА НА СТРУЈА
просек во kWh/100 km

FWD

AWD

WLTP

16,7-14,4

18,0

ДОСЕГ (EAER)

FWD

AWD

WLTP (18-ИНЧНИ ТРКАЛА)

504-513 km

N/A

WLTP (20-ИНЧНИ ТРКАЛА)

442-446 km

415 km

ДИМЕНЗИИ (MM)
ДОЛЖИНА

4.690

ШИРИНА

1.860

ВИСИНА

1.650

МЕЃУОСКИНО РАСТОЈАНИЕ

2.850

ШИРИНА НА ТРАГА НАПРЕД / НАЗАД

1.600/1.610

РАСТОЈАНИЕ ОД ПОДЛОГА

177 (со 1 патник)

КРУГ НА ВРТЕЊЕ (ГУМИ /КАРОСЕРИЈА)

5.700 / 6.100

ДИОМЕНЗИЈА НА ГУМИ (18 ИНЧИ / 20 ИНЧИ)

235/60 R18 / 235/50 R20

ГОЛЕМИНА НА ТРКАЛА  (18 ИНЧИ / 20 ИНЧИ)

18 x 7,5 / 20 x 7,5

ДИМЕНЗИИ НА КАБИНА (MM)
ДОЛЖИНА

1.940

ШИРИНА

1.515

ВИСИНА

1.160 (1.145 со сончев покрив)

БАГАЖНИК (DM3 VDA)
ГОЛЕМИНА (со исправени седишта и спуштен под)

452

ГОЛЕМИНА (со соборена клупа, до таван)

TBC

ТЕЖИНИ (KG)

FWD

AWD

ПРИКОЛКА
(со / без сопирачки
)

750

750

ПРАЗНО ВОЗИЛО

1.970–2.045

2.085–2.140

ДОЗВОЛЕНА ВКУПНА ТЕЖИНА

2.465

2.550

Тојота Авто Центар го нуди моделот во пет нивоа на опрема, почнувајќи од нивото Comfort и изведба со погон напред, со цена од 50.990 евра. Во Македонија нема државна помош, со којашто на граѓаните ќе им се обезбеди подостапна цена на електричните автомобили. Единствено има ослободување од данокот на возило, којшто се одредува во зависност од вредноста на возилото и се движи околу 3.000 евра. Други повластици не постојат. Користењето на полначите на ЕВН е бесплатно, исто и паркирањето на територија на Центар.

Кон вебсајтот за моделот на Тојота Авто Центар

Електричната Toyota во мај стартува во Јапонија, од летово и во Европа

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Mercedes-AMG SL во салонот на Мак Аутостар е речиси национален празник

Дојде време Volkswagen да најави електричен наследник на Passat