Toyota ќе одржи дури три светски премиери на својот штанд во Женева. Публиката на салонот покрај езерото Леман за првпат ќе ја види новата генерација на компактот Ayris, исто како и освежениот Aygo, а со спектакуларен концептен автомобил ќе се најави и враќањето на спортската легенда Supra во понудата на јапонскиот гигант.
Фабричката фотографија само грубо ги прикажува каросериските контури на новиот Auris, најавувајќи многу подинамичен стил отколку досега. Во третата генерација на Toyota Auris пристига и нов дволитарски бензинец, како основа за втората верзија со хибриден погон во гамата на моделот. Toyota веќе го остварува тоа што го најави лани во Франкфурт: Поголем избор од моделски изведби со електрифицирана погонска спрега, вклучувајќи и по две верзии со хибриден погон во гамата на одделни модели.
Светска премиера има и за фејслифтот на Aygo. Препознатливиот преден дел во таканаречениот X-Design е уште повеќе нагласен во новото моделско годиште. Инженерите ветуваат и подобрена управливост, за уште поголемо уживање во возењето на бестселерот во сегментот на градските автомобили.
Toyota го усовршува концептот на мобилноста на иднината, кој веројатно ќе биде масовно присутен на Токио 2020
Во рамките на визијата „Мобилност за сите“, Toyota на салонот ќе прикаже и неколку иновативни технички решенија, меѓу кои и семејството од трите електрични возила Concept-i. Овие возила ги исцрпуваат можностите на автомомното возење и венташката ингелигенција и се скроени за потребите на различни видови корисници во различни средини.
Големо внимание се очекува да привлече и студијата Fine-Comfort Ride од салонот во Токио, преку којашто дизајнерите ги истражуваат новите можности во просторното искористување на кабината што се отвораат со електричниот погон.
Toyota лани продала над 1,5 милион хибридни автомобили
Toyota подготвува десет електрични автомобили за 2020
Toyota Camry се враќа на европскиот пазар?
Тест: Toyota Auris Hybrid Touring Sports