Во последното рангирање на стоте највредни марки во светот, Toyota и натаму е на првото место меѓу автомобилските марки, пред Mercedes и BMW.
Највредна марка воопшто е гигантот за потрошувачка електроника Aplle, кој напредуваше од второто место во 2012 година и ја симна сега третопласираната Coca-Cola од првото место, додека на второто место е Google. Во истражувањето спроведено од Intrabrand, марките се рангираат според финансиите, маркетингот, конзистентноста, релевантноста и следењето на интересот на купувачите.
Редоследот на останатите марки во Топ 10 е сличен со резултатот од минатата година, со IBM, Microsoft, General Electronics, McDonald’s, Samsung, Intel и Toyota. Јапонскиот автомобилски гигант ја задржи десеттата позиција од лани. За прв пат во листата влегува Chevrolet, на 89-то место, како прва марка на General Motors што е рангирана меѓу стоте најдобри во 14-годишното рангирање според Interbrand.
Од автомобилските марки следат Mercedes, на 11-то место и BMW на 12-то место, Honda (20), Volkswagen (34), Ford (42), Hyundai (43), Audi (51), Porsche (64) и Nissan (65). Голем напредок постигна Kia, со искачувањето од 87-то на 83-то место, додека Ferrari ја заокружува листата на највредни автомобилски марки на 98-то место, една позиција повисоко од лани.
