Дарко Јаконов
Јапонците тестираат систем за безбедност кој комуницира со семафорите и треба да ги спречи сударите со оптичко и акустично предупредување на возачот за црвеното светло на семафорот.
Тестирањето е во тек во јапонскиот Тојота Сити, каде што по должината на цела една улица се поставени сензори и предаватели. Сигналите од семафорите се пренесуваат до пробните уреди во возилата на фреквенција од 700 мегахерци. Предупредувањето се слуша преку звучниците на возилото, а потоа и на дисплејот на уредот за навигација. Toyota очекува дека покрај безбедноста, придобивка од новиот систем ќе следува и во поглед на намалувањето на емисијата на СО2, затоа што возачот навреме ќе биде известен дека семафорот е на црвено.
Автомобилскиот гигант развива системи за асистенција со поддршка на јапонската полиција и на здружението за универзално управување со сообраќајот. Во минатата година, Toyota тестираше систем кој има функција на спречување на судир при свртување десно на крстосница.
