Фабриката на американскиот специјалист за електрични автомобили Tesla во Гринхајде, во близина на Берлин, викендов започна со сеча на шума, за да ослободи простор за проширување на капацитетите. Тоа е дел од плановите на Tesla за натамошно зајакнување на своето присуство на европскиот пазар.
Производителот на електрични автомобили Tesla поднел барање за да му се дозволи проширување на магацинските и логистички капацитети во фабриката во Гринхајде. Подготовките за тоа се веќе започнати и масовно се сече шума на површина од 70 хектари.
Министерот за економија на сојузната покраина Бранденбург, Јерг Штајнбах, на твитер напиша дека е „задоволен што Tesla се проширува“, додавајќи и дека „покраината се развива во центар на модерната мобилност.“ Засега не се спомнуваат податоци околу проширувањето на фабриката.
За доградбата на фабриката е неопходна дозвола од надлежните институции за заштита на животната средина, како и средби со претставници на локалните жители. Мештаните се жалат дека фабриката користи премногу вода и го загрозува опстанокот на дивиот свет.
#GigaBerlinBrandenburg
" red square " is the area that will be cleared.
" yellow square " and "orange square" are the possible extension buildings.
Source: @DriveTeslaca pic.twitter.com/gwT90EZiwK— Gigafactory Berlin News (@Gf4Tesla) October 30, 2022
Компанијата претходно ги најави плановите за проширување на фабриката за околу 100 хектари, коешто ќе опфати проширување на железничкиот терминал и изградба на нови магацински хали. На тој начин ќе се подобрат железничките врски на фабриката и ќе се зголемат магацинските залихи.
