Дарко Јаконов
По шестмесечно одолжување, фабриката за електрични автомобили на Tesla во местото Гринхајде, на дваесетина километри оддалеченост од Берлин, според властите на покраината Бранденбург, конечно може да биде пуштена во работа.
Германското министерство за животна средина во моментов „не гледа причина за фабриката да не биде пуштена во работа“. Властите на германската покраина Бранденбург, ценат дека првата фабрика за електрични автомобили на Tesla во Европа, може да започне со работа на планираниот датум, во вторник на 22-ри март.
Компанијата мора да исполни обврските и условите што ги поставија надлежните институции. Од министерството за животна средина, сепак посочија дека одделните постројки може да се пуштат и пред исполнувањето на сите обврски и услови. Станува збор за околу 400 барања што ги содржи добиеното одобрение од властите за фабриката, од коишто дел не се однесуваат општо на сите постројки во фабриката.
На официјалниот почеток на фабриката, во којашто годишно ќе се произведуваат до 500.000 електрични автомобили на Tesla, се очекуваат и високи гости од политиката. Германскиот канцелар Олаф Шолц најави дека ќе присуствува на настанот, исто како и министерот за економија Роберт Хабек.
#GigaBerlin
Sunday March 20/ 2022
+++ IT BEGINS +++
set-up work for the -GRAND OPENING CEREMONY- 🎉
and #deliveryday 🚗 has begun.#ModelY pic.twitter.com/HUZNKurn2a— Gigafactory Berlin-Brandenburg 🕊🇺🇦 (@Gf4Tesla) March 20, 2022
Шефот Илон Маск лично ќе им ги предаде првите автомобили на сопственичките и сопствениците. Покраината Бранденбург го издаде одобрението за фабриката на 4-ти март. Од почетокот на изградбата минаа нешто повеќе од две години.
