Фабриката на Tesla во месноста Гринхајде во близина на Берлин, почна да произведува автомобили во три смени. Компанијата оди на уште побрзо зголемување на производството на своите возила во Европа.
Воведувањето трета смена се подготвуваше од декември лани и веќе е реализирано, објави берлинската телевизиска станица rbb.
Најдени се обучени работници за третата смена, изјави за rbb Јохем Фројер, шефот на локалната државна агенција за вработување. Во моментов се бараат само квалификувани работници.
Фројер очекува дека Tesla за време на викендите ќе воведе и четврта смена.
Во фабриката во Берлин во моментов работат околу 10.000 лица, кои прозиведуваат со динамика од приближно 5.000 возила неделно. Тоа соодветствува на годишна продукција од 250.000 возила.
#GigaBerlinBrandenburg
In the Giga is now worked in a 3 shift system with necessary skilled workers, there will also soon be a 4th shift, so that even on Saturdays can be worked regularly. pic.twitter.com/wBEu5lcsZ9— Gigafactory Berlin News (@Gf4Tesla) April 3, 2023
Целта на извршниот директор Илон Маск е годишна продукција од 500.000 возила. Откако ќе се постигне таа цел, производителот планира да ја прошири фабриката. Во подолг рок, целта е годишната продукција да се зголеми на еден милион возила.
Овие планови ќе се објават во четврток, за да може да се земат предвид евентуалните приговори, објавува дневникот Märkischer Oderzeitung.
Tesla во првите три месеци од годинава испорача 422.875 возила, откако во јануари ги скуси цените до 20 проценти.
