за

Suzuki S-Cross е избор на италијанската публика за Ауто Еуропа 2023

Во 37-та година на одржувањето на италијанскиот избор за најдобар автомобил, Suzuki S-Cross освои најмногу гласови од публиката.

Од седумте автомобили што се натпреваруваа за насловот на Ауто Еуропа 2023, во категоријата во којашто гласовите од публиката го одлучуваат победникот, најмногу гласови освои Suzuki S-Cross.

Ауто Еуропа е избор што се одржува во Италија, организиран од здружението на автомобилски новинари и избор што во 2023 го доживеа своето 37-мо издание. Седум финалисти е бореа за гласови од публиката, во категоријата на изборот во којашто одлучува единствено публиката.

Финалистите по азбучен редослед:

  • Alfa Romeo Tonale (достапен во верзии со благ хибриден погон и приклучен хибриден погон)
  • BMW X1 (бензин, дизел, благ хибрид, електричен погон)
  • Citroen C5 X (бензин, дизел, приклучен хибрид)
  • DS 4 E-Tense (бензин, дизел, приклучен хибрид)
  • Kia Sportage (бензин, дизел, полн хибрид, приклучен хибрид)
  • Renault Megane E-Tech (електричен погон)
  • Suzuki S-Cross (благ хибрид, полн хибрид)

За победата на S-Cross зборува директорот на Suzuki во Италија, Мирко ДалАњола: „Почестени сме со освојувањето на оваа престижна награда, затоа што таа покажува дека нашиот S-Cross Hybrid е автомобил што е способен да добива гласови и од специјизираното жири и од публиката, бгагодарение на приспособливоста, привлечниот италијански дизајн и напредната хибридна технологија што ѝ одговара на животната средина.“

Здружението на автомобилски новинари на Италија покрива 80 проценти од печатениот и онлајн медиумски простор во автомобилската сфера во земјата.

За Suzuki S-Cross гласале 7.185 посетители на наменскиот вебсајт за изборот. Кросоверот освои вкупно 35.415 бодови, односно повеќе од 40% од вкупниот број бодови што публиката ги распределила меѓу седумте финалисти.

Тоа што италијанската публика во изборот го цени најмногу кај Suzuki S-Cross се дизајнот, напредната технологија, хибридот, погонот 4х4, безбедносните системи и достапната цена. Освен во верзија со благ хибриден погон, кросоверот е достапен и со полн хибриден погон, што лани имавме можност да го тестираме во Vitara Strong Hybrid.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Што да си посакаме во автомобилизмот во Новата 2023 Година

Кинески директор ќе биде втор човек во Tesla по Илон Маск