за

Suzuki стартуваше со производство на SX4

Во фабриката на Suzuki во Унгарија започна производството на новиот компактен кросовер SX4. Во следната година ќе се произведат 100.000 примероци од стратешкиот модел.

Во присуство на премиерот на унгарската влада Виктор Орбан и претседателот на Suzuki Осаму Сузуки беше одбележан стартот на производството на новата генерација на кросоверот од компакт класата SX4. Првите испораки се очекуваат наесен, за европскиот пазар, но и за светските пазари, како Океанија и Азија, Средниот Исток и Латинска Америа.

Новиот SX4 S-Cross е стратешки модел на јапонскиот специјалист за малечки возила и погон на сите тркала и во првата полна година ќе се произведува во серија од 100.000 примероци. Челниците на марката имаат големи очекувања од моделот кој нуди просторна кабина, полна опременост, препознатлив изглед, штедливи мотори и висока противвредност. Моторите се 1,6 литарски, со моќност од 120 КС во бензинската и дизелската изведба. Освен верзиите со погон напред е достапна и изведбата со новиот погон на сите тркала Allgrip.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Bugatti Veyron е најдобар автомобил во последните 20 години

Toyota Corolla со промотивна цена од 14.590 евра