за

Stellantis ќе го произведува 1,6-литарецот на Peugeot во Aмерика

Шест цилиндри и масивна работна зафатнина беа некогаш. Во Jeep, Chrysler & Co ќе се вградува 1,6-литарскиот турбо бензинец на Peugeot и BMW, вклучувајќи и хибридна примена.

Концернот Stellantis со своите шестнаесет марки вложува 99 милиони долари за производство во Северна Америка на 1,6-литарскиот турбо-бензинец, познат од моделите на Peugeot и Citroen, и развиен заедно со BMW.

Три фабрики на Stellantis во САД и во Канада ќе добијат инвестиција вредна 99 милиони долари, за вклучување во производство на 1,6-литарскиот турбо-бензинец и делови за него, што во Европа се вградува главно во изведбите на Peugeot 308 & 3008, Opel Astra, Citroen C5 AirCross со приклучен хибриден погон. Производството на моторот за моделите за американскиот пазар ќе се одвива во комплексот Данди во Мичиген, во Кокомо во Индијана и во Етобикоук во Торонто.

Концернот Stellantis засега посочува единствено дека моторот ќе се вградува во два идни модели со хибриден погон за пазарот во Северна Америка. Тоа ќе биде прв мотор во хибридна погонска спрега, што компанијата ќе го вградува во своите модели во поширокиот регион. Производството е планирано да стартува во почетокот на 2025 година.

Главната инвестиција, во висина од 83 милиони долари, наменета е за комплексот Данди, каде што ќе се одвива завршната монтажа на моторот. Во оие погони во Мичиген и натаму ќе се произведува 3,6-литарскиот мотор Pentastar за Jeep Grand Cherokee и Jeep Grand Cherokee L. Четирицилиндарскиот 2,4-литарски Tigershark ќе стартува во првиот квартал во 2023 година.

Леењето на блоковите ќе се одвива во Кокомо, една од најголеми ливници од овој вид во светски рамки. Повеќе од 14 милиони долари се вложуваат за новите калапи и машини за новиот мотор. Картерот ќе се изработува во Етобикоук и за тоа се вложуваат близу 2 милиони долари, за нови алати и приспособување на опремата.

Овие инвестиции се дел од стратегијата Dare Forward 2030, којашто цели концернот Stellantis да развива иновативни, чисти, безбедни и достапни решенија за мобилност.

Десетте електрични Peugeot и Opel се досега најгласниот будилник за електромобилноста

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Mercedes-Benz предупредува за фалсификувани делови во онлајн-трговијата

Дилерите во Италија имаат 4.500 нарачки за Alfa Romeo Tonale