за

Mercedes-Benz предупредува за фалсификувани делови во онлајн-трговијата

Според акциите што ги води Mercedes-Benz, продолжува да расте трговијата со фалсификувани делови коишто се нудат во онлајн-продавниците.

Во минатата година, во повеќе од 650 рации извршени од царинските и инспекциските органи, биле запленети 1,86 милион фалсификувани делови.

Штутгарт предупредува дека трговијата со фалсификувани производи на Mercedes-Benz во светски рамки продолжува да расте. Во споредба со 2020 година, лани биле запленети за околу шест проценти повеќе производи што бесправно го носат знакот на Mercedes-Benz.

Фалсификувањето производи не само што е илегално, туку и ја загрозува безбедноста, а може да влијае и лошо врз здравјето на учесниците во сообраќајот. Mercedes-Benz силно се бори против вакви фалсификати. Станува збор за делови, како сопирачки дискови и тркала, но и делови од каросеријата или од управувањето.

Рената Јунго Брингер, членка на управниот одбор на Mercedes-Benz Group AG за интегритет и право: „Индустријата на фалсификати има структура на организиран криминал и честопати постигнува повисока заработка од трговијата со наркотици. Во светски рамки остваруваме тесна соработка со органите, за овие структури да ги потиснеме и да се бориме за безбедност во сообраќајот.“

Во пандемијата во последните две години, пиратите на производи засилено ги користеле онлајн-продавниците и каналите на друштвените мрежи, за да понудат фалсификувани производи. Борбата против онлајн-трговијата со фалсификати, особено нивното откривање и следење, станува сé потешка. Фалсификуваните производи може кусо да се понудат во онлајн-продавниците и за миг да се распродадат преку друштвените мрежи.

Разлика во патот на сопирање на оригиналните и фалсификуваните делови

New item by Automedia MK / Google Photos

Mercedes-Benz применува посебна стратегија, затоа што фалсификуваните производи секако дека може да влијаат лошо и врз имиџот на марката. Се работи на три фронтови: Откривање, напад и спречување. Тимови работат на откривање на сомнителни понуди во онлајн-продавници, на друштвените мрежи и на саеми.

Лани од онлајн-продавниците биле отстранети над 126.000 фалсификувани производи, откриени од тимовите на Mercedes-Benz

New item by Automedia MK / Google Photos

Фалсификатите честопати не се разликуваат надворешно од оригиналните делови. Но, при нивно тестирање и во реални услови на возење, се покажуваат огромни разлилки во квалитетот и во безбедноста. Квалитетот на тие производи обично е слаб и не се исполнети законските минимални барања во поглед на безбедноста.

Посебното одделение на Mercedes-Benz, именувано Team Intellectual Property Enforcement, соработува тесно со царинските и инспекциските органи во светски рамки. Редовно се одржуваат обуки и се распределуваат информации до најразлични целни групи.

Во Бугарија возат фалсификувани сервисни возила на ADAC

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Историски крстосувачи на Opel ќе се натпреваруваат во елеганција

Stellantis ќе го произведува 1,6-литарецот на Peugeot во Aмерика