За колку часови врвните спортисти заработуваат за автомобил?

На некои среќници им се потребни само неколку месеци додека заработат за нов автомобил, на други повеќе години. Поинаку е кај спортистите. Тие го заработуваат својот нов превоз буквално преку ноќ.

Американскиот кошаркар Кевин Дурант моментно вози Chevrolet вреден 47.000 евра. Со годишна заработувачка од околу 51 милиони евра, тој го исплатува својот автомобил за 8 часови и 1 минута. Со слична брзина заработува и тениската ѕвезда Роџер Федерер. Тој може да набави двојник за својот пикап Mercedes X-Class по само 8 часови и 5 минути работа. Третото место му припаѓа на Јусеин Болт. Својот Land Rover, тој го одработува за околу 12 часови.

Конор Мекгрегор исто така не мора да работи долго, додека стекне средства потребни за BMW i8. Тој го заработува спортскиот хибрид по 12 часови и 30 минути работа. Кошаркарот Стивен Кари го заработил своето Porsche по 15-часовна работа.

Овие спортисти се „мачеле“ најдолго да заработат за својот автомобил

Лајонел Меси работи најдолго. На наддавање, фудбалерот плати 32 милиони евра за Ferrari 335 S Scaglietti од 1957 година. За да ја заработи оваа сума, Меси морал да одработи околу 2.800 часови или 118 денови.

Тоа е многу подолготрајна процедура, отколку што му била потребна на Кристијано Роналдо. Неговиот Bugatti со титула на најскап автомобил во светот е заработен за 42 денови. Трет по бавност е фудбалерот Дру Брис. Со заработка од 39 милиони евра, тој можел да си го дозволи својот Bugatti по 22 денови.

Топ 5 списокот на спортисти што најбавно заработуваат за својот автомобил го заокружуваат Џером Боатенг и Луис Хамилтон. Фудбалерот заработува годишно по 11 милиони евра и може да го финансира својот Lamborghini по само 12 денови. Пилотот во формула 1, пак, чиешто работно возило вреди стотици милиони евра, го заработил својот автомобил за секој ден, вреден 1,2 милион евра, за нешто помалку од десет денови.