за

Во фабриката на Skoda работи најмоќниот суперкомпјутер во Чешка

skoda суперкомпјутер
skoda суперкомпјутер

Во седиштето на Skoda во Млада Болеслав проработе најмоќниот суперкомпјутер во комерцијална примена на територијата на Чешка. Со процесорски капацитет од два петафлопови (floating point operations per second), тој изведува две билијарди сметачки операции во секунда. Ваква моќ е потребна за изведување верни симулации на аеродинамиката, на пример. Skoda ќе го користи суперкомпјутерот и за развој на идни мотори и во подрачјето на безбедноста.

Процесорската моќ постепено ќе се зголемува до 15 петафлопови, што одговара на 15 билијарди сметачки операции во секунда, односно е десетпати побрзо. Компјутерскиот центар на Skoda во иднина ќе изведува исклучително сложен High Performance Computing (HPC). Одделенијата за технички развој и производство ќе го користат суперкомпјутерот за визуелизација, виртуелна реалност и симулации, на подрачјето на заштита на пешаци, аероакустика и аеродинамика, како и усовршување на моторите.

Во иднина во компјутерскиот центар ќе се запишуваат и податоците од автомобилите што се поврзани во мрежа. Меморираните податоци ќе се чуваат со максимална безбедност. Покрај тоа, канцелариите во управата ќе се загреваат со топлината што ќе се создава од работењето на суперкомпјутерот, односно од разладувањето на компјутерскиот центар.

Тоа е само дел од помошното напојување на суперкомпјутерот на Skoda
New photo by Automedia MK / Google Photos

Компјутерски центар на Volkswagen работи на струја од водопад

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Mercedes 300 SL Gullwing Florida Fund

Mercedes четирикратен победник во изборот на „Auto Bild Klassik“

Kia Sportage

Kia продаде 250.000 возила во октомври, Sportage бестселер