Знаменосецот на Skoda извојува тесна победа во изборот на автомобил на годината во Македонија. Решавачки беа гласовите од публиката, којашто на Superb му даде двапати повеќе гласови од второпласираниот автомобил.
Жирито за избор на Автомобил на годината во Македонија одлучи титулата да ја понесе Skoda Superb. Чешката лимузина извојува тесна победа во израмнета борба со останатите конкуренти за што говорат и резултатите од гласањето. Имено, Skoda Superb освои три гласа, еден повеќе од Hyundai Tucson.
Жирито гласаше вака:
- Агрон Сулејман – Hyundai Tucson
- Љупчо Михајловски – Skoda Superb
- Владимир Ристовиќ – Skoda Superb
- Горан Антевски – Hyundai Tucson
Третиот глас, Skoda Superb го доби од публиката, односно преку он- лајн гласањето, каде освои 955 гласа, далеку пред останатите финалисти:
- Оpel Astra: 535 гласови,
- BMW X1: 306 гласови,
- Hyundai Tucson: 299 гласови,
- Land Rover Discovery Sport: 157 гласови,
- Jaguar XE: 105 гласови
- Mazda CX-3: 87 гласови
Поради здравствени причини, почесниот претседател на жирито Томислав Биљарац, годинава не учествуваше во работата на истото. Жирито реши на BMW X1 да му ја додели титулата спортски теренец на годината во Македонија. За афирмација на Македонија во регионот, жирито годинава му додели признанија на Еуроимпекс, овластен увозник на автомобилите од програмата на Peugeot во Македонија, Србија, Црна Гора, Косовo и Албанија.
