Чешкото комби од третата генерација задржува најмногу од вредноста при препродажба според студијата на EurotaxGlass.
Тоа е резултатот од студијата што EurotaxGlass ја спроведе во пет европски земји. Студијата опфати шест актуелни модели од компакт класата, а за Octavia Combi беше добиена преостаната вредност меѓу 49 и 40 проценти по три години експлоатација. Истражувањето беше спроведено во Германија, Чешка, Франција, Италија и Велика Британија. Студијата на EurotaxGlass ја предвидува амортизацијата на новите модели на пазарот и призната е како независен водич за стабилноста на вредноста на возилата.
Во последната студија влегоа шест комби модели од компакт класата, односно Skoda Octavia Combi, Ford Focus Combi, Hyundai i30 sw, Opel Astra Sports Tourer, Peugeot 308 SW и Renault Mégane Grandtour. По три години експоатација и 90.000 изминати километри, Skoda Octavia покажа повисоки вредности како користено возило од конкурентите во сите пет земји. Во зависност од земјата, вредноста на користено изнесува меѓу 49 и 40 проценти од цената на ново возило.
