за

Seat го освојува пазарот во Мексико

Шпанската марка тргна во освојување на глобалниот пазар. Мексико покажа огромен потенцијал за Seat, со раст на продажбата од 60 проценти. Целта е место меѓу десетте најпродавани марки.

Seat ќе го искористи Мексико како клучен пазар за растеж и интернационализација на марката. Неодамна стартуваше продажбата на новиот Leon, кој заедно со Ibiza ќе биде основа за реализација на планот, марката да го зацврсти своето место меѓу десетте најпродавани во Мексико, откако во минатите две години беше постигнат раст во продажбата од 60 проценти. Од почетокот на годинава шпанската марка се продава за 8,5 проценти подобро отколку во ланскиот период, со 7.360 возила продадени во првите четири месеци. Моментно Seat е деветта најпродавана марка.

Seat извезува 83% од производството, во 77 држави. Во периодот од јануари до април, Шпанците постигнаа раст во продажбата од 11,5 %, главно поради свежното присуство на стратешките пазари во светот

Ibiza постигна одличен успех во Мексико, Seat ќе настојува да го повтори успехот и со новиот Leon. Досега во Европа се продадоа повеќе од 25.000 примероци од шпанскиот компакт
Ibiza постигна одличен успех во Мексико, Seat ќе настојува да го повтори успехот и со новиот Leon. Досега во Европа се продадоа повеќе од 25.000 примероци од шпанскиот компакт

Преку педесетте дилерства во земјата, Seat продаде 13.380 возила во 2010 година, потоа 18.115 возила во следната година, за минатата да ја заврши со 21.114 возила. Со овие продажни резултати, Мексико е шести најголем пазар за шпанската марка и втор најголем надвор од Европа, по Алжир. На глобално ниво, Мексико е петнаесетти најголем пазар за автомобилската бранша, и трет најголем пазар во Америка, по САД и Бразил. Во минатата година во Мексико се продадоа близу еден милион возила.

Најважните пазари на Seat Продажба јан. – апр. 2013 Промена во %
Германија 23.702 + 30,6
Шпанија 22.356 + 10,7
Велика Британија 14.784 + 9,0
Алжир 7.822 + 137,6
Турција 2.126 + 111,1
Русија 1.217 + 210,5

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Hyundai ќе вози за светскиот фудбалски шампионат за млади

Seat го најави третиот тениски турнир Seat Open