Неколку модни дизајнери работеа на специјална серија на Rolls-Royce Dawn којашто соодветно се води како „инспирирана од модата“ и меѓу другото поседува изобилство од свила во внатрешноста.
Rolls-Royce отсега го нуди моделот Dawn во специјалната серија „Inspired by Fashion“. Тим од модни дизајнери и експерти за текстил и додатоци се грижи за изгледот на возилата. Главниот момент е во масивната примена на свила во внатрешноста, заедно со невообичаени комбинации од бои и материјали.
„Младешкиот“ модел на британската благородна куќа користи три бои во специјалната серија, за покривот и за деталите во црно-белата внатрешност: Муџело црвена, кобалтно сина и мандаринска. Каросеријата во андалузиски бела боја носи и рачно нацртана линија отстрана – секако дека и таа е во една од трите бои на серијата Inspired by Fashion.
Други обележја на модниот Dawn се џебовите во вратите од најфина свила, со апстрактен приказ на заштитната фигура Емили или уште наречена „Духот на екстазата“. Арматурната табла е обложена со кожа со вметнати честички алуминиум. На тоа се надоврзува и специјална изведба на часовникот во средишната конзола, со сребрено куќиште.
