за

Rolls-Royce бара 100 нови работници

Водечкиот производител на ултралуксузни возила распиша конкурс за 100 нови работни места. тоа е резултат од рекордните бројки во продажбата во последните три години, како и од новите модели.

Според резултатите од продажбата за првите шест месеци, Rolls-Royce е на најдобар пат оваа година да ја заврши со рекордни бројки. Најголемиот број од работните места се отвораат во Гудвуд, домот на Rolls-Royce. Половината од новите места се во секторите за маркетинг, продажба, сервисирање, индивидуализација на возилата и односи со јавност. Останатите позиции се отвораат во развојот на нови модели и во производството, што произлегува од новиот модел Wraith, кој моментно е во претсериска фаза, додека првите модели не почнат да се испорачуваат на клиентите наесен. Неколку позиции се отвораат и во регионалните претставништа на Rolls-Royce во цел свет.

201307-P90128410-zoom-orig

Торстен Милер-Етвес, шеф на марката, изјави: „Нашиот резервиран оптимизам од почетокот на годината се оправда. Тоа повлекува отворање на нови места, за кои што гибараме најдобрите таленти во производството и во луксузниот сегмент. Кампања за конкурсот за нови работници ќе се објави уште во текот на оваа недела, со огласи во Sunday Times и во Marketing Week. Кандидатите може да се пријават и преку интернет страницата на Rolls-Royce Motor Cars.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Најсилната верзија на класата S вози со 585 КС

Најбрзата тревокосачка на светот