за

Rimac C_Two ќе учествува на престижниот Салон Приве

Rimac C_TWO
Rimac C_TWO

Најпрестижниот и технолошки најнапреден хиперавтомобил, или кусо, хрватскиот Rimac C_Two, ќе биде дел од престижниот Салон Приве, настан во Велика Британија кој на сцената ужива ист статус како Вила дЕсте или Пебл Бич.

Посетителите на 14-то издание на Салон Приве, четиридневен настан во палатата Бленхајм во Велика Британија со почеток на 5-ти септември, ќе имаат задоволство во живо да го запознаат новиот електричен автомобил на Мате Римац. За помалку од десет години, хрватската компанија Rimac Automobili прерасна во производител на хиператомобили, но и во партнер за технолошки развој на најголемите имиња на автомобилската сцена, како Aston Martin, Automobili Pininfarina, Koenigsegg, Porsche и други. Во последните две години, Porsche AG и Hyundai/Kia купија удел во компанијата.

Новиот електромобил Rimac C_Two e конструиран како чистокрвен гран-туризмо, но со електричен погон, користејќи ги искуствата со Concept_One, кој и самиот имаше премиера на Салон Приве во 2012 година. Развојниот принцип е едноставен: Само најдобри материјали и врвна технологија. Не постои автомобил што забрзува подобро од C_Two.

Целата школка е изработена од карбон, а батеријата и погонската спрега се изведени како интегрален дел од истата. Батеријата располага со 120 kWh, додека моќноста на погонот изнесува 1,4 мегават, односно повеќе од 1.900 КС. Крајната брзина е 412 km/h, спринтот до темпо сто трае помалку од две секунди, односно само 11,8 секунди до тристотини километри на час.

Моментно во Света Недеља се изработуваат прототипите, а наскоро ќе започне и редовното производство. Првите примероци од Rimac C_Two ќе бидат испорачани во 2020 година.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Opel Риселсхајм

Opel ќе плати 190 мио. € за работниците да ги префрли во друга фирма

Производство батерии иновација Технолошки институт Карлсруе

Иновација за побрзо и поевтино производство на батерии за возила