Во својата петта сезона како се одржува во европски рамки, Renault Twingo Cup пристига и во Македонија. Трките ќе се водат под Автомобилистичката Федерација на Македонија. На патеката во Серес се одржа промотивно возење во присуство на бројни медиуми.
На познатата тркачка патека во Серес, Грција, се одржа промотивно возење на тркачките возила за Twingo Cup, во организација на Renault Sport и во присуство на претставници од Lema Racing Team.
Возилата во купот се унифицирани и преработени се идентично од страна на словенскиот Lema Racing Team. Како основа се користи Renault Twingo 1.0 SCе со еднолитарски мотор од 1,0 литар. Тоа што прави францускиот автомобил со култно име да биде посебен, особено во услови на тркачка патека, е задниот погон и моторот назад.
https://photos.app.goo.gl/WqQLVLvEREWtQTKo6
Со преработна на издувната гранка е постигната за десетина проценти повисока моќност во споредба со стандардниот модел, односно 78 КС. Главната преправка сепак е во подвозјето, кадешто се користат специјални пружини од Eibach, во комбинација со посебно дотерување на геометријата на тркалата.
Во кабината е вградена заштитна рамка од Sparco според строгите безбедносни стандарди, исто како и тркачко седиште, безбедносни ремени, посебен систем за гасење пожар, волан, педали и заштитна мрежа, кои исто така се производ на познатата марка.
Пневматиците во полуслик изведба и димензија 195/50 R15 се производ на Nankang, алу-бандажите доаѓаат од Sparco. Вградени се инструменти од производителот Aim, вклучувајќи систем GPS. Каросериските додатоци за оптимирање на аеродинамичноста на каросеријата потекнуваат од Lema.
Главната награда по завршувањето на третата сезона е електричен Renault Twizy
Во купот ќе се возат 8 трки, од кои четири кружни и четири ридски, во текот на следните три години, согласно распоредот на Автомобилистичката федерација кој ќе се објави дополнително.
На крајот на секоја сезона се доделуваат вредни парични награди за победниците. Главната награда на купот следи по завршетокот на третата сезона, тоа е електричен Renault Twizy.
https://www.facebook.com/media/set/?set=a.2158288110930498&type=3
