Понудите на автомобилскиот пазар никогаш не биле поатрактивни од сега. Секаде се нудат попусти, гратис опрема, бесплатни услуги… Renault стартува со екстра попуст во следните две недели.
Увозникот на марката Renault денес стартуваше со акцијата што ќе трае до 2-ри декември и која што опфаќа попуст во висина од 15 проценти за сите возила од гамата на францускиот производител. Воедно, Аутомотив Груп во истиот период ќе ги промовира актуелниот Clio и новиот кросовер Captur пред посетителите на Сити Мол, за коишто исто така важи акцијата.
За следната сабота, на 30-ти ноември, Renault ќе понуди и можност за пробно возење на моделите од неговата гама. За повеќе информации увозникот наведува на неговата интернет страница како и на профилот на марката на фејсбук.
