Дарко Јаконов
Peugeot доби нова нарачка од Кралската Пошта на Британија, за испорака на дополнителни 2.000 електрични доставни возила. Марката со лавот е еден вид заштитен знак на националната служба за достава на пратки, којашто во својот возен парк располага со околу 28.000 возила Peugeot.
Peugeot ја снабдува Ројал Мејл, кралската пошта на Британија, уште од 2009 година. Со најновата нарачка за 1.000 возила PEUGEOT e-Partner и уште 1.000 возила PEUGEOT e-Expert, Поштата продолжува кон остварувањето на својата цел, до пролетта во 2023 година да располага со возен парк од 5.500 електрични возила.
Седумдесет подружници на Ројал Мејл веќе имаат вклучено електрични возила во својот возен парк. Возилата на струја главно се користат за достава на пакети и пратки до крајните корисници во градовите во коишто постојат зони со ниска емисија на штетни гасови. Покрај Лондон, такви зони постојат уште во Бристол, Глазгов, Кембриџ и Оксфорд.
Обврската што Ројал Мејл си ја постави за намалување на емисијата на штетни материи во сите свои подрачја на делување, се совпаѓа со стратегијата за електрификација на Peugeot, којашто предвидува во секое моделско семејство на марката со лавот по 2024 година да биде достапна електрична или приклучна хибридна изведба.
Покрај тоа, Peugeot e-Partner од почетокот на следната година ќе се произведува дополнително во Велика Британија, во фабриката во Елсмир Порт. Во поглед на корисноста на товарниот простор, нема разлика со изведбите со дизел или бензински мотор. Гамата на товарни возила на Peugeot уште сега нуди по една електрична изведба од секој модел.
We now have 3,000 electric vehicles across our delivery and collection fleet!
The 3,000th electric vehicle was deployed at Peterborough Delivery Office, where MP for Peterborough, @paulbristow79 made a visit to see the fleet in operation. pic.twitter.com/L7QBIqUGid
— Royal Mail (@RoyalMail) July 29, 2022
PEUGEOT e-Partner користи батерија од 50 kWh, со којашто постигнува досег до 275 километри. Фургонот располага со товарен простор од 4,4 метри кубни и носивост од 800 килограми. Корисниците може да изберат и верзија со продолжена каросерија, како и комби изведба, со пет седишта.
Поголемиот PEUGEOT e-Expert дополнително се нуди и со батерија од 75 kWh, па досегот соодветно изнесува 230, односно 330 километри со поголемата батерија. Тука исто стои на располагање верзија со продолжено меѓуоскино растојание. Како фургон од средна класа, e-Expert може да понуди носивост до 1.226 килограми и зафатнина на товарен простор од 6,6 метри кубни.
Bolton North Delivery Office had a visit from @AndyBurnhamGM to see its transformation to an all-electric delivery and collection operation.
So far, 38 electric vans are operational and over the coming months, the site will be fully electric with 101 new electric vans. pic.twitter.com/Pk1hO1iTZS
— Royal Mail (@RoyalMail) July 16, 2022
