Добри изгледи дека и годинава ќе биде шампионска за Peugeot на пазарот во Бразил. Продажбата во јануари пораснала за 163% во споредба со почетокот на минатата година. Тоа се случува во време кога целиот пазар во земјата е 28,3 проценти во минус.
Најголем удел за Peugeot на бразилскиот пазар во последните 14 години. Француската марка покрива 3,5 проценти од автомобилскиот пазар во најголемата држава во Јужна и Латинска Америка, со повеќе од двесте милиони население. Peugeot 208 е главниот носител на продажбата на марката и води во својот сегмент.
Во првиот месец од 2022 година, Peugeot ја зголеми продажбата во услови кога целиот автомобилски пазар во Бразил е во голем пад и се пласираше меѓу 10-те најпродавани марки во земјата. Станува збор за 4.083 продадени примероци, што укажува на големината на пазарот. Уделот на Peugeot изнесува 3,5 проценти, тоа е најдобар резултат по 2008 година.
Јануарскиот пазар за Peugeot пораснал за 163% во споредба со истиот месец лани, додека целиот бразилски пазар бил 28,3 проценти во минус. Менаџментот цени дека одличните резултати за јануари укажуваат на уште една силна година за француската марка во Бразил, во комплицирана економска и политичка ситуација.
A Peugeot é uma marca inovadora e que se preocupa muito com o futuro. A prova disso: Você nunca dirigiu nada igual: 100% elétrico, zero ruídos e zero emissões de poluentes no meio ambiente. Esse é o Novo Peugeot e-208 GT, que chegou para revolucionar a sua experiência em dirigir. pic.twitter.com/Wnpk1IEUIQ
— Peugeot Brasil (@peugeotbrasil) October 29, 2021
Peugeot 208 е вистински шампион во сегментот на комбилимузини од градската класа, каде што моделот покрива 45,4% од сегментот. Во јануари биле продадени 1.989 примероци од Peugeot 208, што е за 156% над резултатот од истиот месец лани.
