за

Opel Insignia за авантуристички типови

Спојот на големо комби и стилски елементи на теренец досега го нудеше само Audi A6 Allroad. Марката под знакот на молњата го нуди истиот спој по значително пониска цена. Кој сака, добива и погон на сите тркала.

Семејството на големиот Opel се прошири со моделот Insignia Country Tourer, кој со заштитата на подвозјето напред и назад, со впечатливите каросериски детали во стил на теренец, со двете издувни цевки и со зголеменото растојание од подлогата се профилира како моделска изведба за авантуристички настоените возачи. Пакетот го дополнуваат погон на сите тркала и моќни турбомотори, со 250 КС во бензинската и 195 КС во дизелската изведба.

[one_half]

Не само изглед, туку и функционалност на теренец: Напреден погон, приспособливо подвозје и мотори до 250 КС
Не само изглед, туку и функционалност на теренец: Напреден погон, приспособливо подвозје и мотори до 250 КС
[/one_half]
[one_half_last]
Country Tourer влегува во понудата заедно со освежувањето на моделот од средната класа. Кокпитот е темелно преработен
Country Tourer влегува во понудата заедно со освежувањето на моделот од средната класа. Кокпитот е темелно преработен
[/one_half_last]

За пробивност по теренот се грижи електорнски контролираниот погон на сите тркала со спојка според принципот халдекс и со електронска блокада на диференцијал. Во зависност од условите на теренот, погонот се распределува до 100 проценти на предната или задната оска, односно само меѓу задните тркала. Предноста на овој погон се огледува во тоа што корекцијата на распределбата на погонот се случува уште пред да пролизгаат тркалата, со што се задржува динамиката и безбедноста во возењето. Дополнително може да се избере и приспособливото подвозје FlexRide, што прави Country Tourer во исто време да биде способен и како теренец и како динамичен крстосувач. Во споредба со стандардниот комби, Country стои 20 милиметри повисоко над земјата.

Opel-Insignia-Country-Tourer-286482-mediumПремиерата на кросоверот на Opel е најавена за салонот во Франкфурт во септември, заедно со стилското и техничко освежување кое што моделот од средната класа го доби за следната половина од неговото пазарно присуство.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Daimler ќе профитира дополнително од мобилната телефонија

Kia Carens: Класата на вановите е следна за освојување