за

Opel Corsa е млада 40 години и сака да го прослави тоа

За свечено одбележување на 40-те години постоење на моделското име, Opel Corsa ќе се понуди во серија „40 Years“, достапна во само 1.982 примероци.

Верно на духот на автомобилот, специјалниот славнички модел е црвен, во комбинација со црни каросериски додатоци. Посебноста е во дезенот на седиштата, којшто потсеќа на првата генерација на Corsa. Секој од 1.982-та примероци ќе го прикажува својот број во серијата во кабината.

За четириесет години и шест генерации, Opel Corsa се продаде во повеќе од 14 милиони примероци. Секако дека тоа заслужува да се прослави. Првиот модел, означен како Corsa A, верно на номеклатурата на германската марка, се појави во 1982 година. Моделот денес ужива поголема популарност од кога било досега. Сцената едноставно обожува кога Opel е во форма. Посебен белег на моделот му дава електричната изведба Corsa-e.

Секако дека е посебна бојата на каросеријата на специјалната серија од 1982 примероци. Фановите ќе го обожуваат името: Rekord Rot, рекордерски црвена, но и црвена како Rekord, еден од најпознатите историски модели на Opel. Оваа боја, патем, се користеше и кај Corsa A. За впечатлив контраст се грижи црниот покрив и бројните додатоци во црна боја. Тоа важи за куќиштата на ретровизорите, за рачката за задниот поклопец, но и за молњата на Opel и за натписот на моделското име одзади. Тркалата од 17 инчи се лакирани во црна боја со висок сјај, средишниот дел е во мат сива боја. Тоа го заокружува спортскиот настап на моделот.

New item by Automedia MK / Google Photos

Внатрешноста на Corsa 40 Years е носталгична, исто колку што е најмодерна. Каро-мустрата на седиштата ќе ги потсети фановите на Corsa A. Маркетинг-генијалците во Риселсхајм направија уште поголема сензација со карото на седиштата, и понудија чорапи со истата мустра, што може да се набави преку онлајн-продавницата на Opel. Во пакет со автомобилот доаѓаат два пара чорапи, едните со оригиналниот, другите со модерен дезен.

New item by Automedia MK / Google Photos

На таблата, пред совозачот, се наоѓа плочка со натпис на бројот на возилото во серијата, од 0001 до 1982. Како што е ред за специјален модел, опремата е комплетирана со радио што подржува поврзување преку Apple CarPlay и Android Auto, со диодни светла и со самостојно запирање при опасност од судир, со препознавање пешак на пат.

New item by Automedia MK / Google Photos

Opel во 2022 одбележува 160 години постоење. Германскиот пазар исто така одбележува. Opel Corsa годинава е најпродаван модел во класата во Германија, а исто и Opel Corsa-e води како најпродаван електричен автомобил воопшто.

New item by Automedia MK / Google Photos
New item by Automedia MK / Google Photos
New item by Automedia MK / Google Photos

Со Opel Grandland до Луке: Патување најдалеку на север

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Идните модели на Volvo доаѓаат со вграден „Unreal“

Во само 5 примероци: Pagani Huayra со долг опаш