за

Во само 5 примероци: Pagani Huayra со долг опаш

Фестивалот на брзината во Гудвуд постои точно заради ваквите автомобили. Pagani изработи посебна серија од Huayra Codalunga, заедно со клиент што поседува колекција побројна од серијата на овој специјален модел.

Фината марка хиперавтомобили од Сан Чезарио Сул Панаро најавува прво појавување во јавноста на Pagani Huayra Codalunga, серија од 5 примероци, на Фестивалот на брзината во Гудвуд. Codalunga или долгоопашестата Huayra ќе вози на легендарната ридска трка.

Од 23-ти до 26-ти јуни, Гудвуд е автомобилски центар на светот. Еден од напојзнатите настани во чест на мотоспортот и на автомобилската култура, Фестивалот на брзината во Гудвуд, што се одржува во Западен Сасекс, меѓу другото ќе донесе и светска премиера на Pagani Huayra Codalunga.

Еден од вкупно петте автомобили во оваа посебна изведба на Pagani Huayra, именувана Codalunga, ќе биде изложен во тркачкиот бокс за суперавтомобили во Гудвуд. Овој специјален модел е создаден заеднички со долгогодишен клиент на Pagani, којшто и самиот има бројна колекција од автомобили од марката што се вбројува меѓу најексклузивните. Проектот се работеше во Pagani Grandi Complicazioni (PGC), којшто е специјализиран за ваков вид на изработки.

Тоа што сцената може да го посведочи за PGC е дека таму практично не постојат ограничувања, сé додека може да се плати. Во „Complicazioni“ се работи посветено за сите желби и барања на клиентот да се исполнат и да се создаде автомобил што практично е уметничко дело. Тоа што ќе се сработи во оваа ексклузивна работилница, само додава на имиџот на Pagani.

Основата од Huayra Coupé е продолжена и изведени се форми што личат како да се создадени од ветрот. Елеганцијата на Codalunga ја надминува таа на купето. Инспирацијата е црпена од „долгоопашестите“ тркачки автомобили во 1960-те години, коишто се натпреваруваа на Леман и имаа мошне едноставна линија. Huayra Codalunga ги имитира тие форми.

Pagani Huayra Codalunga

New item by Automedia MK / Google Photos

Главниот пристап бил да се отстрани сé што ќе се оцени како вишок. Со примена на најнајпредни, а тоа значи и најскапи композитни материјали, постигната е тежина на возилото од само 1.280 килограми. Поклопецот на моторот има површина од 3,7 метри квадратни и за 360 mm е подолг во споредба со купето. Пог него работи еден од најискличителните мотори во историјата, Pagani V12, во овој случај со 829 КС и 1.100 њутнметри.

Pagani Huayra R

New item by Automedia MK / Google Photos
New item by Automedia MK / Google Photos

На Гудвуд ќе се појави и Huayra BC Coupé, снабден со пакет „Tempesta”, којшто има за функција да ги извлече сите тркачки потенцијали на автомобилот. Тоа главно се спојлери и шестцевен издув, но секако дека има зафати и во подвозјето. Моќноста е зголемена на 827 КС, вртежниот момент достигнува 1.100 Nm.

Pagani Zonda R

New item by Automedia MK / Google Photos
New item by Automedia MK / Google Photos

Настапот на Pagani на настанот што се одржува на имотот на Чарлс Хенри Гордон Ленокс, 11-ти војвода од Ричмонд, ќе биде заокружен со легендарната Zonda Revolucion и со сосем новата Zonda Revo Barchetta, единствен примерок, што е дизајниран од Хорацио Пагани.

Pagani Huayra BC Tempesta

New item by Automedia MK / Google Photos
New item by Automedia MK / Google Photos

Pagani Zonda R Barchetta

New item by Automedia MK / Google Photos
New item by Automedia MK / Google Photos

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Opel Corsa е млада 40 години и сака да го прослави тоа

Kia најпродавана марка, Polo најпродаван модел во Македонија во април