за

Opel Corsa со фабричка грешка: Корозија ја напаѓа хаубата

Околу 200.000 примероци од актуелната Corsa мораат присилно да ги посетат сервисните работилници. Поради конструкциска грешка може да се појави корозија во долниот дел на хаубата.

Поради проблемот со продирање на вода во хаубата и корозијата што може да произлезе од тоа, 183.455 примероци од актуелната генерација на Corsa мораат да ги посетат сервисите на Opel. Сервисниот повик се однесува на возилата произведени во периодот меѓу 2010 и 2012 година. Според официјалните лица од Opel, при постојаните контроли на квалитетот во производството се откриени отстапувања во процесот на производство на предната хауба. Постои опасност водата од каросеријата да се слева во носечката структура на хаубата и таму да предизвика корозија.

По потреба ќе се врши замена на хаубата

Заради спречување на натамошно продирање вода во внатрешноста на хаубата дополнително ќе се изработат отвори низ кои што ќе истекува водата. Потоа, хаубата и нејзината внатрешна структура ќе се заштитат со восок. По потреба хаубата ќе се лакира одново или ќе се заменува, за што ќе бидат потребни околу пет часови во сервис.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

По 15 години повторно раст во продажбата на Opel

Нова доминација на Google: И автомобилите ќе работат на Android