Дарко Јаконов
Opel стартуваше со постпродажната програма АВС којашто има за цел во официјалната поспродажна мрежа да се задржат колку е можно повеќе сопственици на возила од марката.
Opel во Македонија ја започна постпродажната програма АВС за собирање, менаџирање, привлекување и задржување на што е можно поголем број на потенцијални клиенти на неговата постпродажна мрежа. Проектот има за цел да се потенцира ведноста на секој клиент во текот на целиот експлоатационен век на возилото, а не само во моментот на продажбата. Германската марка досега има реализирано поголем обем на активности во поглед на постпродажбата во Македонија: Service 4+ како сервисна програма за возила постари од 4 години со мошне поволни цени, потоа продолжена гаранција и помош на пат, како и продолжување на сервисниот интервал на 30.000 километри. Програмата ABC сепак е најголемиот постпродажен проект што Opel го стартувал досега.
Составен дел од програмата претставува и порталот myOpel.mk којшто ги прикажува сите предности на оригиналниот сервис на Opel на интернет. Целта е да се олесни закажувањето на сервисирањето на возилото, како за клиентот, така и за дилерот на Opel. Меѓу останатите услуги на порталот MyOpel се локатор на најблизок дилер, регистрација на податоците на возилото и на неговата сервисна историја, потсетник за сервисирање, билтен со вести и акциски понуди од Opel, индивидуални понуди за секој клиент, како и атрактивни попусти за дополнителна опрема и сервисирање.
