за

Mitsubishi Space Star со рекордни 3,38 литри на 100 километри

Швајцарија е богата земја, но тоа не значи дека нејзините жители се расфрлуваат со пари, или уште полошо, си ја загадуваат животната средина. Швајцарец постави рекорд во ниска потрошувачка со новиот Mitsubishi.

Феликс Еголф е авио пилот кој слободното време го користи одвреме навреме да поставува рекорди, постигнувајќи драстично пониска потрошувачка на гориво од фабрички измерената. Швајцарскиот „хајпермајлер“, како што се нарекуваат мајсторите на штедливото возење, претходно постави рекорд со дизелски модел на Mitsubishi ASX, со 3,2 литри дизел на 100 километри.

DSC_0110
Швајцарскиот хајпермајлер извозе 1111.1 километри со еден резервоар, односно во просек трошеше 3,38 литри бензин на сто километри со Space Star со 80 КС

Новиот Space Star е следниот предизвик за Феликс. За овој модел фабриката декларира 4,0 литри на сто километри, во верзијата со бензински мотор од 1,2 литар и моќност од 80 КС. Швајцарецот успеа со еден резервоар, односно со 37,65 литри, да извози 1.111 километри, што дава просек од 3,38 литри. Оваа вредност е дури 17 проценти под фабричката. Патувањето траеше 20 часови, со просечна брзина од 55 километри на час.

Новиот Mitsubishi Space Star наскоро ќе биде претставен и во Македонија, како возило со привлечен дизајн, штедлива техника и висока противвредност.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Mercedes-Benz ја пушти технологијата Nanoslide во производство

Избрани најдобрите мотори на годината