123
17 shares, 123 points

Pajero Sport имаше впечатлива појава и по македонските патишта, кога пристигна првата генерација пред дваесетина години. Моделот што го спојува името на легендарниот теренец и робусноста на пикапот L200, во меѓувреме е во третата генерација и се подготвува за освежување кон крајот на месецов.

Mitsubishi најави моделско освежување на Pajero Sport на 25-јули, во Тајланд, кадешто е најголемиот пазар во светот за овој достапен СУВ и, логично, една од носечките фабрики во коишто истиот се произведува.

Актуелниот модел е од третата генерација и беше претставен во 2015 година. Замислата зад моделот секогаш беше истата, да се спои искуството што го има Mitsubishi во возила за тешки услови и во погонот на сите тркала, со пикап или камионетот L200, со цел да се постигне подостапна цена од култниот Pajero.

Промените што ги најавува Mitsubishi се сведуваат на предниот дел од возилото, кој ќе го добие елегантниот стил од Eclipse Cross. Лани и самиот L200 имаше моделско освежување, преземајќи го изгледот од Pajero Sport. Идејата на претстојниот редизајн е веројатно да се воспостави поголема стилска разлика меѓу пикапот L200 и Pajero Sport.

Моментниот изглед на Mitsubishi Pajero Sport по премиерата во 2015 година
New photo by Automedia MK / Google Photos

Под хаубата работи 2,4-литарски дизел со единствената технологија Mivec на Mitsubishi, во комбинација со осумстепен автоматик.

Освен во дизајнот, Mitsubishi најавува новини и во практичноста, комфорот, завршната изработка и материјалите. Pajero Sport веќе две генерации не се нуди на поширокиот европски пазар.


Ти се допаѓа? Сподели со пријателите!

123
17 shares, 123 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *