за

Mitsubishi ASX ќе се произведува и во Бразил

Марката Mitsubishi започна со производство на моделот ASX во Бразил, во фабриката во Каталао. Бразил е четврти најголем пазар за автомобили во светот.

Со продажен волумен од 3,6 милиони возила, Бразил беше четврти најголем пазар за автомобили во светот во 2012 година. Најсилната економска сила во Јужна Америка е во средиштето на вниманието на светската јавност пред Светското првенство во фудбал во 2014 година и Летните олимписки игри во 2016 година и очекува голем раст на локалниот автомобилски пазар.

Со производството на ASX во Бразил, Mitsubishi ја засилува не само конкурентноста на својот модел, туку и целата оперативна база за еден од најважните светски пазари. Од почетокот на продажбата, за ASX досега се решиле 26.000 купувачи во јужноамериканската земја. Во фабриката претходно се произведуваа тернските модели Pajero TR4, Pajero Dakar и L 200 Triton. Производството на ASX, кој има централна улога во глобалната моделска стратегија на Mitsubishi, стартуваше во Јапонија, а потоа следуваа САД, Индонезија и Кина.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Светски рекорд: 1200 возила Porsche 911 на патеката во Силверстоун

Suzuki ги откри контурите на идниот теренец