Дарко Јаконов
Новата шефица на Mini доаѓа од местото на раководителка за детали во бизнисот со клиенти во BMW и Mini. Улрике фон Мирбах на таа функција ја градеше новата продажна мрежа на Mini. Таа функција останува, дополнителна функција е раководењето со целата марка Mini во Европа.
Претходниот европски директор, Пјер Жалади, од 1-ви јули 2022 е одговорен за марката Mini за регионите на Азија и Пацификот, Источна Европа, Средниот Исток и Африка. Улрике фон Мирбах работи 17 години во групацијата BMW. Во почетокот на својата кариера, таа меѓу другото беше одговорна и за стратегијата на маркетингот на марката BMW на германскиот пазар. Од октомври 2015 до крајот на 2020 година, фон Мирбах раководеше со маркетингот на марката Mini во Германија. Од 1-ви јануари, таа го презеде раководењето со марката Mini во Германија, а една година подоцна во нејзина надлежност се најде целиот европски пазар.
Менаџерката има големи заслуги за напредувањето на продажбата на Mini на германскиот пазар, како и за електрификацијата на марката. Улрике фон Мирбах цени дека добрата соработка меѓу продажбата и производството, како и стратешкото водење на марката и дигитализациајта на марката, претставуваат решавачки фактори за позитивното движење на марката на германскиот пазар.
Штефани Вурст, директорка на марката Mini: „Убедена сум дека Улрике фон Мирбах успешно ќе ја води марката Mini во електричната иднина на европско ниво, бклагодарение на својата богата експертиза за марката и за продажбата. Таа ќе ги постави вистинските стратешки рамки, за да се обезбеди продажен успех на марката во новиот модел на продажба.“
Марката Mini планира уште во раните 2030-ти години да премине на целосно електрична понуда од модели.
Mini Cooper SE ја вози првата електрична тура низ Македонија (Дел 2)
