Луксузната марка Мајбах ќе се вклучи во најавувањето на „Ѓаволот носи Прада 2“ и воедно потврдува дека добива важна улога и во продолжението на филмот.
Пред две децении, Мерцедес-Бенц С-Класа имаше видена улога во филмот и придонесе за публиката да добие веродостојна слика за гламурозниот свет на високата мода. Премиерата на продолжението на филмот во кината е најавена за 30-ти април.
Покрај тоа што има впечатливо појавување во бројни сцени во „двојката“, Мерцедес-Мајбах паралелно ќе учествува во светската промоција на филмот, заедно со 20-то Сенчри Студио. Кампањата почнува денес на 27-ми март и се состои од т.н. 360-степена ко-промоција. Промоцијата ќе трае до јуни.
Јавноста до премиерата ќе гледа екслузивни кадри од филмот и скапо изработени печатени и дигитални рекламни формати. Посебно за премиерата и за потребите на маркетингот е изработена верзија на Мерцедес-Мајбах С-Класа во Мануфактур, каде што се работи на возила по нарачка.
Што се случува во „Ѓаволот носи Прада 2“
По 20 години откако првпат се појавија во своите легендарни улоги како Миранда, Енди, Емили и Најџел, во будно исчекуваното продолжение на филмскиот феномен од 2006 година, Мерил Стрип, Ен Хатавеј, Емили Бланд и Стенли Тучи, се враќаат на улиците на Њујорк Сити како модна метропола и во елегантните канцеларии на магазинот Ранвеј.
Филмот е работен од оригиналната постава, со режисерот Дејвид Франкел и сценаристката Алин Брош Мекена, воведувајќи низа нови ликови, во коишто се појавуваат Кенет Брана, Симон Ешли, Џастин Теру, Луси Лиу, Патрик Крамал, Келје Хирон, Хелен Џ. Шен, Полин Шаламе, Б.Џ. Новак и Конрад Рикамора.
Трејси Томс и Тибор Фелдман се враќаат во своите улоги на Лили и Ирв. Продуцент е Венги Фајнермен, додека Мајкл Медерман, Карен Розенфелт и Алин Брош Мекена се извршни продуценти.
(л-д) Мерил Стрип, како Миранда Пристли, и Стенли Тучи, како Најџел Киплинг во Ѓаволот носи Прада 2
