за

Рекордна дивиденда од 7.300 евра за вработените во Mercedes-Benz

За успешното работење на компанијата во 2022 година, на дел од вработените во Mercedes-Benz ќе им биде исплатена рекордна дивиденда во висина до 7.300 евра.

Во време кога сите фабрики за автомобили во светот се соочуваат со недостиг од чипови и најразновидни проблеми, што досегаат до недостиг од возачи на камиони за автомобилите да ги довезат до салон, Mercedes-Benz Group лани постигна највисока дивиденда во својата историја.

Како резултат од доброто работење на компанијата, Mercedes-Benz Group AG на своите вработени ќе им исплати рекордна дивиденда за 2022 година, којашто досега до 7.300 евра. Тоа е дури и над досегашниот горен праг, што беше поставен на 6.465 евра

На околу 93.000 вработени во Mercedes-Benz, коишто работат под посебен тарифен договор што им дава право на дивиденда, во платата за април 2023 ќе им биде пресметана рекордната дивиденда.

Во Mercedes-Benz уште од 1997 година се исплатува удел во успешното работење на компанијата, односно дивиденда, на вработените што работат со договор со утврдена тарифа. Во минатата година, премијата достигна 6.000 евра.

Покрај тоа, раководството на компанијата и работничкиот синдикат се договорија од 2023 година да се применува нов начин за пресметување на уделот во успешното работење во компанијата. На вработените со тарифен договор ќе им се пресметува дивиденда според истата логика како за раководството.

Mercedes-Benz AG вработува 172.000 лица во својата глобална мрежа, не сметајќи ги камионите и автобусите, коишто од лани се издвоија во посебен огранок Diamler Truck & Bus.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Rolls-Royce ќе мора да ја зголеми продукцијата на електричниот модел

Од Златен волан до автомобил со најдобри врски: Сите награди на Opel во ’22