Спортската купе-лимузина на AMG влегува во новото моделско годиште со неколку измени. Mercedes-AMG GT 4 Coupe останува како спој на суперспортски автомобил што нуди комоција и практичност за секој ден.
Mercedes-AMG ја пушта својата купе-лимузина GT 4 со неколку освежувања во моделското годиште 2020. Сите изведби на GT 4 отсега доаѓаат стандардно со инфо-забавниот систем MBUX, прочуен по тоа што со него може да се командува спонтано, во стилот на „Еј, Мерцедес“. Секако дека во оригиналниот модел на AMG има неколку специфични „инструменти“ и функции што може да се наместат по желба.
AMG го испорачува својот конкурент на Porsche Panamera опремен стандардно со комплетно дигитален кокпит со два големи дисплеи, со навигација на хард-диск, со интелигентниот систем за говорно командување „Еј, Мерцедес“, со сензорско поле и со дигитално радио. Како опции се нудат асистент за ентериер како дел од MBUX и унапредена реалност за системот за навигација. Уште една практична опција е носач за багажник на покрив.
Сите пет модели – AMG GT 43, AMG GT 43 4MATIC+, AMG GT 53 4MATIC+, AMG GT 63 4MATIC+ и AMG GT 63 S 4MATIC+ се достапни за нарачка уште веднаш.
Модел |
Моќност |
Цена во Македонија |
AMG GT 43 4MATIC+ |
367 КС |
131.990 евра |
AMG GT 53 4MATIC+ |
435 КС |
152.990 евра |
AMG GT 63 4MATIC+ |
585 КС |
207.590 евра |
AMG GT 63 S 4MATIC+ |
639 КС |
229.990 евра |