Mercedes-AMG CLA 45 SB: Суперспортист со изглед на комби

Покрај перформансите на CLA 45 Shooting Brake е сосем неважно каква е формата на каросеријата. Со 421 КС и четири секунди до темпо сто, само на малкумина ќе им пречи тоа што станува збор за комби. Пречи? Токму дизајнот може лесно да направи комбито да биде прв избор, наспроти лимузината или класичниот A 45.

Сценариото најчесто е следново: Брза тјунирана машина со тристотини коњски сили суверено ја држи левата лента, сé додека ретровизорот не го исполни маска со позната форма и уште попозната трикрака ѕвезда. Следи нормална разрешница, но и неочекуван крај – на автомобилот. Каросеријата на Mercedes–AMG CLA 45 4Matic+ Shooting Brake завршува како комби. Во светот на брзите, моќни и скапи автомобили, тоа се нарекува инает. Овој автомобил, еден од седумте што се базираат врз A-Class, има комби каросерија заради инает.

https://photos.app.goo.gl/rLEiyciJQckWbnM17

Исто како двојката A 45 и CLA 45 Coupe што спортската марка во Афалтербах ја претстави пред кусо време, под хаубата работи дволитарски турбо со 421 КС, односно со 387 КС во „послабата“ изведба. Тоа дава четири секунди за спринт од место до темпо сто. Во Mercedes-AMG ставаат нагласок и на погонот на сите тркала, односно на неговата конфигурација. Официјално под името AMG Performance 4Matic+, овој систе првпат ги распределува њутнметрите од моторот посебно за секое тркало на задната оска. Како што е модерно денес, постои и опција Drift, овозможена преку двете ламеласти спојки на задната оска.

https://photos.app.goo.gl/iFekj4LhSoXrQP4J6

Купе-лимузината и комбито во верзиите на AMG станаа повпечатливи во новата генерација. На сцената е добро познато, дека дизајнот на двете каросериски изведби, кои одат во лов на купувачи со стилот, носат потпис на македонскиот дизајнер во Mercedes, Славче Таневски.

https://photos.app.goo.gl/APn5syoXTTyKYCVY6

За транспортното одделение: Отворот на багажникот е широк 871 милиметри, далеку повеќе од претходникот со неговите 635 милиметри. Секако дека постои опција за отворање со помош на електромотор и сензори под браникот. Зафатнината изнесува 505 литри. Тоа е вредност за почит, особено покрај фактот што изгледот на опашот не го открива тоа.

Технички податоци · Mercedes-AMG CLA 45 4Matic+ Shooting Brake

https://photos.app.goo.gl/Q43p3ahCTsNCN12ZA

• Ограничена електронски